Safer Sex

Der Artikl is im Dialekt Stod-Soizburgarisch gschriem worn.

Safer Sex (af boarisch: Sicharana Sex) is a Begriff, demma hernimmt, seid der gonze Dischkurs midn HIV undm AIDS afkumma is. Des haßt desweng a so, damid ma siacht, dasss zwor kane absolut sichan, owa um Einiges sicharane Sexualkontakte gem kau. Des haßt, dasss nimma gonz a so gfährli is, dass ma si sexuell üwadrogbore Gronkheitn eihhoid. Bei uns sogt ma monksmoi a gschützta Sex dazua.

Vabreit hod si des Gonze domois, wia de Immunschwächngronkheid AIDS in da effntlichkeid bekonnt worn is. Mid große Werbeakzionen homs vasuacht, dass ma d'Leid dazua bringt, dasss regümäßig und söibstvaständli Kondome hernehman bein Sex. Des wirkt ned nur geng d'Vabreitung von AIDS, sondan a vo Hepatitis B, wos nu vüi austeckada is. A Infekziona mid Hepatitis C wern dadurch weniga.